{Home} {Software} {Scripts} {Publications} {Songs} {About} {Photos} {Contact} {Links} {latviski}


Songs


    Folk songs, played by my band Maskačkas spēlmaņi you are able to listen at band's homepage. Here are songs with my lyrics and melodies.

    You are able to buy my songs' CD „Pasaver“ Albums online (€15,- + shipping costs).

¤ Babeņa    Video
1. Ūšys molā, vacajā solā Dzeivoj muna babeņa vēļ,
   Bārni Praiļūs, unuki Reigā, Dzeds zam zemis jau šmakouku dzar.
2. Stuov vēļ klieveņā juos vīna gūteņa, Pīpļaun sīna sābrys, kod var,
   Apleik sātys sabierst jau uobuli, Navā, kam salaseit, navā, kam art.
3. Nūmiers babeņa, sasaguozs ustoba, Palyks škūrstyns i uobuļu suods;
   Īs kurs celinīks, īīs jis pogolmā, Pasavērs, nūsapyuss, aizīs, kur guojs.

¤ Raudī moti  
1. Raudūs motūs verūs as, Dūmoju par tevi,
   Zynu, nabyus, nabyus maņ Laimeibys bez teva.
2. Kod vēļ moza beji tu, Zynovu iz prīšku
   Nabyus, nabyus šmukuokys Mārgys vysā mīstā.
3. Niu jau lela esi tu, Koč mož vēļ par mozu,
   Bet nu pruota nūīt sirds, Nasaverūt godu.

¤ Stuomaču vaļss  
1. As atīšu stuomačūs iz tovom kuozom, As zynu, as nabyušu gosts:
   Gryuts irā, kod taidi gosti Siež aiz kuozu golda.
2. As atīšu stuomačūs iz tovom kuozom, As tevi nazogšu, nā:
   Seņ jau tu esi muna, I mīsa tova, i gors.
3. As atīšu stuomačūs iz tovom kuozom, Kab atsavadeitum,
   Kab pasavārtum tev acīs I paraudzeitum ols.

¤ Cārmyukša    Video
1. Verūs cārmyukšys sorkonuos ūguos, Nazynu, kū tī var dareit,
   Verūs cārmyukšys sorkonuos ūguos, Grybu pasaceit jai, grybu pasaceit jai,
   Verūs cārmyukšys sorkonuos ūguos, Grybu pasaceit jai vysu praudu.
Dadz.:
     Cārmyukša muna, pogolma molā, Cārmyukša poša šmukuo nu mozu dīnu jau aug;
     Cārmyukša muna, cārmyukša poša šmukuo, Cārmyukša muna vysod da sātai sauc.
2. Cik jau godu as volkojūs apleik, Pasauļs mozs jau ir palics deļ maņa,
   Cik jau godu as volkojūs apleik, Grybu atsagrīzt jau, grybu atsagrīzt jau,
   Cik jau godu as volkojūs apleik, Grybu atsagrīzt jau as i palikt.
3. Verūs cārmyukšys sorkonuos ūguos, Zynu, reit jau vāg braukt paceli,
   Verūs cārmyukšys sorkonuos ūguos, Grybu pasaceit jai, grybu pasaceit jai,
   Verūs cārmyukšys sorkonuos ūguos, Grybu pasaceit jai as i palikt.

¤ Прощай, дружок  
1. Щас тронется поезд, а может перон, Важно лишь то, что мы расстаёмся.
   Системы отсчёта ловко придуманы, Всё в них относительно, даже любовь.
Припев:
     Прощай, дружок, нам было весело,
     Душа у солнца, а мы в траве,
     Прощай, дружо-о-ок, быть может встретимся,
     С любовью в ранце, с тоской в душе.
2. Ещё слово за слово. А вдруг он тронется? Не волнуйся, не бойся, постоим ещё миг.
   На дорогу присядем, в губы чмокнемся, Ты помашешь рукой, а я запою.
3. Вот я уже еду. А может перон? Да, пожалуйста, две чашки чаю.
   Белья не надо. Желательно с сахаром. Всё равно не засну; постараюсь хотя-бы.

¤ Izsepinēts sapyns  
1. Izsepinēts sapyns muns par tevi, Izdziersti jau vuordi suopeigī,
   Nazynu, ci vāga raudzeit tuoļuot, Ci var kū naviņ vēļ dareit tī?
2. Cālu godu dūmovu par laimi I par myusu dzeivi kūpeigū,
   I par tū, kai myusu leluo saime Dorbūs īs i kūpā atsapyuss.
3. Īsieju as mīžus, ols kab byutu, Svuotus sarunovu jau gondreiž,
   Bet niu vysa dzela propuļst mudri I pi saduzušys bucys siež.
4. Ci par švoku as, ci tu par jaunu, Ci natai as nazkū dareju,
   Nazynu as eistyn, kymā vaine, I kū dareit niule nazynu.

¤ Šopereits  
1. Šopereit, nūstuoj, pajem mani leidza, Naīt vaira autobuss pa itam maršrutam,
   Viļcīņa reļsi rozlaseiti lomā, Kuojis vaira nanas, a sumka tai kai blučs.
Dadz.:
     Grīžu ruli vīglom rūkom, Žvyra put i kreit iz kūkim,
     Aizsleid meži garum lūgim Vacim, šmukim ceļa lūkim.
2. Šopereit, nūstuoj, paveļc mani leidza, Nazkas irā nūtics munam žiguļam:
   Brauču, brauču, nūsluopa, nagribēja laistīs, Niu tik tu i stričs var mani izpesteit.
3. Šopereit, nūstuoj, paruod sovys pravys, Tekniskū pasi i īpyut trubceņā,
   Ite ža na dzeraune, deļkuo tu brauc bez gaismu? Ai, nu labi, itūreiz vēļ tevi palaisšu.

¤ Tymsā vokorā  
1. Tymsā vokorā tymsa saule aizalaiž, Otkon nazynu, kur as byušu reit.
2. Seņuok ruodejuos: vysod ite dzeivuošu, Niu paceli dzan cyti ļauds i viejs.
3. Kurs var zynuot tū, kas iz prīšku, prīšku byus, Kod par šaļti jau izagoda kas.
4. Tymsā vokorā tymsa saule aizalaiž, Otkon nazynu, kur as byušu reit.

¤ Troka buoba  
1. Cik var rauduot? Cik var motus plēst? Cik var bļuzneit? Nikas ža naticēs!
Dadz.:
     Troka buoba, troka buoba, Troka buoba esi tu!
2. Dzeive puorīt, dzelys atsalīk, Pseudobādys ite sasatīk.
3. Izdūmuotas pseudoproblemas Tovūs dūmūs vysod atsarass!
4. Zababoni cyts aiz cyta stuoj, Pruotam - nā, lai jī myus kiravoj!

¤ Pasaver  
1. Pasaver, tēteit, cik dabasi zyli, Pavasars atīt, jū sauleite vad.
   Spaiti jau īspeid ustobys lūgūs, Laidynoj snīgu, nu jumtu jū mat.
Dadz.:
     Nui, dieleņ meilais, nui, dieleņ mozais, Prīca, ka īsaver šmukumu tu;
     Dzeive ir skaista vysod i vysapleik, Vuicīs jū mīļuot, i laime tev byus.
2. Pasaver, mameņ, cik zuoleite zaļa, Lidinej bits, i pučeitis zīd;
   Soldonais smuords myusim kužynoj nuosti, Gribīs tī atsagult, laksteit i skrīt.
Dadz.:
     Nui, dieleņ meilais, nui, dieleņ mozais, Prīca, ka īsaver šmukumu tu;
     Dzeive ir skaista vysod i vysapleik, Vuicīs jū mīļuot, i laime tev byus.
3. Pasaver, dziadzeit, cik muorks myusim opols, Dzeivoj tī zivs: i karass, i karps;
   Ar mokšoru giut, ar bradīni puorbrist I mauduotīs kāžnu dīnu tī var.
Dadz.:
     Nui, puiseit meilais, nui, puiseit mozais, Prīca, ka īsaver šmukumu tu;
     Dzeive ir skaista vysod i vysapleik, Vuicīs jū mīļuot, i laime tev byus.
4. Pasaver, cioceit, cik dzaltona lopa, Karinej kļovā, dreiži jau kriss;
   Sasasauc kūkūs rudiņa kruosys Pryšuoku pasauli maļavoj jis.
Dadz.:
     Nui, puiseit meilais, nui, puiseit mozais, Prīca, ka īsaver šmukumu tu;
     Dzeive ir skaista vysod i vysapleik, Vuicīs jū mīļuot, i laime tev byus.

¤ Ne dzīvs, ne miris  Video
1. Ne dzīvs, ne miris es trimdā sēžu Un Latvijā no malas noskatos –
   Par to, ka mīlēju par stipru, Par to, ka darīju, kā sirdsbalss teica man.
2. Ir citur labi, ir citur jauki, Bet biju savai zemei pārāk pieķēries,
   Un nevarēju, nu nevarēju, Kā posta to no malas raudzīties.
3. Ne dzīvs, ne miris es trimdā sēžu, Aiz spieģeļa nu atskan mana balss,
   Bet dzīve aizrit kā tai jārit, Tik manis nav vairs jūsu pulciņā.
4. Kad tavu līķi dakters uzšķērž, Tak labi, lai jau tavi radi zin,
   Bet ko lai dara, nu ko lai dara, Ja dzīvam esot tā kā drusku sāp?
5. Kad tavi darbi lēnām izplēn, Kad taviem draugiem tevis nevajag,
   Tad ko lai dara, nu ko lai dara, Ja dzīvam esot tā kā drusku sāp?

¤ Tēte pa skaipam
1. Bārnim navāga tāva Pasaceja sūdnīks:
   Lai bārns kai augdams, Mes jū pasādynuosim!
Dadz.:
     Tēte pa skaipam, tēte pa skaipam, tēte pa skaipam, tēte pa skaipam!
2. Aļū, meilais tēteit, Voi tu mani dzierdi?
   Gribīs pi tevi dasaglaust I īsēst tovā kliepī.
3. Mamu, maņ jau atbuoda, Tēti vāga izslēgt,
   Ka jis gryb mani audzynuot, Lai līn nu kompa uorā.
4. Navar, meiluo meiteņ, Gryb nūgiut tovu tēti
   Švokī dziadzis policisti I daudzeji cyti besi.
5. Bet atīs nazkod tei dīna, Kod prauda pīveiks napraudu,
   Kod nagiusteis tovu tēti I pajims jis tevi iz rūku.

¤ Egleite  
1. Zaļa pļovā, meža maleņā, Meža, meža, meža maleņā.
2. Tī stuovieja ciersta ustoba, Ciersta, ciersta, ciersta ustoba.
3. Tī dzeivova jauna saimeite, Jauna, jauna, jauna saimeite.
4. Tī stuovieja zaļa egleite, Zaļa, zaļa, zaļa egleite.
5. Tī speidieja spūdra zvaigzneite, Eglis golā spūdra zvagizneite.
6. Tī skraidieja mozi bierneni, Mozi, mozi, mozi bierneni.
7. Aizagiva eglis zareņūs, Eglis, eglis, eglis zareņūs.
8. I nūkryta spūdruo zvaigzneite, Spūdruo, spūdruo, spūdruo zvaigzneite.
9. I saduza smolkom sučeitem, Smolkom, smolkom, smolkom sučeitem.
10. Aizraudova jaunuo buobeņa, Jaunuo, jaunuo, jaunuo buobeņa.
11. Kū mes niule, niule dareisim, Niule, niule, niule dareisim.
12. Kai mes sučis, sučis laseisim? Sučis, sučis, sučis laseisim.
13. Voi mes sučis, sučis lepēsim? Sučis, sučis, sučis lepēsim.
14. Stuņdi sprīde, navarieja sasprīst, Sprīde, sprīde, navarieja sasprīst.
15. Dīnu sprīde, navarieja sasprīst, Sprīde, sprīde, navarieja sasprīst.
16. Godu sprīde, navarieja sasprīst, Sprīde, sprīde, navarieja sasprīst.
17. I atguoja mozī bierneni, Mozī, mozī, mozī bierneni.
18. Salasieja boltom rūceņom, Boltom, boltom, boltom rūceņom.
19. Salepieja ašņa laseitem, Ašņa, ašņa, ašņa laseitem.
20. Pastatieja eglis viersyunē, Eglis, eglis, eglis viersyunē.
21. Aizspeidieja spūdruo zvaigzneite, Spūdruo, spūdruo, spūdruo zvaigzneite.
22. Aizprīcova vysa saimeite, Vysa, vysa, vysa saimeite.

¤ Īveņa  
1. Aizzīdeja īveņa pļavenis molā, Aizraudova meiteņa vīna ustobā:
   Kurgi muns(i) tēteite, meilais i lobais, Voigi maņ jū atjēme rodnuo mameņa?
2. Aizzīdeja nopali tukšneša vydā, Aizraudova tēteite ceļa maleņā:
   Kurgi muna meiteņa, meiluo i jaukuo, Voigi maņ jū atjēme poša buobeņa?

¤ Si, yo fui  
1. Si, yo fui, pero yo no te dejo, Yo te tenía en mi corazón.
Estribillo:
     ¡No tomas la decisión con tu cabeza, Siempre escuchas a tu corazón!
2. Eso que haces, haces sabiamente, Pero eso no va a hacer te feliz.
3. No es suficiente que el es bueno, Para ser feliz necesitas amar.

¤ Symts bāru kumeļu  
1. Symts bāru kumeļu Pa gaisim skrīņ.
2. Symts malnu dūmeņu Maņ golvā sēd.
3. Kai malna vuškeņa Īt liktiņs muns.
4. Vyss propuļst mudreņkai, Koļc sasprīž sūds.
5. Tev pagaist buobeņa, Kū ļūbej cīš.
6. Tev pagaist meiteņa, Kam teva vāg.
7. Tev pagaist sieteņa I zemis smuords.
8. Tev pagaist cylvāki I boļsi jūs.
9. Tik palīk muzyka I palīk vuords.
10. I bolta osora, I pasauļs svešs.

¤ Es vairs tanī valodā nerunāju
1. Cik daudzi var maluot buoba, Cik daudzi var dvēselē īdierst,
   Vamys īt net nu dūmu, Kurgi vēļ i nu dorbu.
Dadz.:
     Es vairs tanī valodā nerunāju, es vairs tanī valodā nerunāju!
     Es vairs tanī valodā nerunāju, es vairs tanī valodā nerunāju!
2. Koleidz ir problemys veiram, Mudri jei nūskrīņ da cyta;
   Kod vacapā rokstīs naktim, Vys maloj, ka ite pa draugam.
3. Pusbāda, ka izdūd veiru – Cylvāks tok toļkin cylvāks,
   Bet izdūd i volūdu dzymtū: Ar bārnu suoc čyuliski runuot.
4. Voi tai var da laimeibys daīt, Izdūdūt tyveimū sovu?
   Izdūdūt zemi i tautu, Izdūdūt volūdu skaidrū...

¤ Zīmys svātku nakts
1. Ak, cik jauka i cik klusa Zīmys svātku nakts!
   Šymā naktī mīrs i dusa Vysu zemi sadz.
2. Dabasūs cik zvaigznis skaistys, Klusai, jaukai mirdz!
   Tuo ar mīļuošonu laistuos Vysu ļaužu sirds.
3. Reitā agri tūrņūs zvoni Guliešonu trauc;
   Kuo iz Betlejemu goni, Bazneicā ļauds brauc.

¤ Traputis su sviestu
1. Užtepk man traputį su sviestu, Kitėp neišaisiu un miestų:
   Man šindėj bloga pa švintes, Slidus Naujamečia plintas.
2. Unt stala pilns bļūds vinegreta Ir vaisiai iš visa svieta;
   Šiųmet jau anys davalgys: Iš ryta ir sūdyta saldi.
3. Praeina metai pa metų, Kuriam dą bekrinta monėta;
   Turiu jau išeit aš un miestų, Užtepk man traputį su sviestu!

¤ Žuguris pereklis
1. Otkon uorā tymss, Otkon uorā leits, Otkon uorā viejs, Otkon gaismys navā.
   Siežu as aiz golda Sveču pakrieslī, Ak jau teikli daslēgs Šamā vokorā.
Dadz.:
     Žuguris pereklis stubura golā, Atbrauce teikli i pacēle molā.
     Elektreiba, elektreiba, elektreiba, Elektreiba, elektreiba, elektreiba.
2. Nabie ite gaismys Da deveņdasmytūs, Dzeds ar babu dzeivova Tai da pošys smierts.
   Tāvs da centra nūguoja, Kam nagribieja tai, Soukozā kod darieja, Da krūņa kvacerai.
3. Mes da sātai atbraucam Šaļteni pa šaļtei; Tok niu jau vaira nazinim, Kū iz prīšku dareit.
   Juomoksoj kas mienesi Par elektreibys vodu: Koč i gondreiž nalītoj, Atbrauc raizi godā.